Plantun de Prouvènço

Pèr coumpara dos planto d'encò nostre

Vulpia membranacea & Vicia bithynica

Vulpia membranacea

Poaceae Graminaceae

Noms en français : Vulpie à longues arêtes, Vulpie membraneuse.

Descripcioun :
Aquesto co-de-reinard trachis dins li sablo en ribo de mar o de l'en dedins. L'enflourejado de 3 à 8 cm sort bèn de la guèno au contro de Vulpia fasciculata. La glumo d'en bas èi di proun pichouneto (fotò), de 0,2 à 3 mm au contro de la d'en aut. La palea fai 4,5 à 7 mm e l'ouvàri a ges de péu. Poudèn apoundre tambèn que la palea èi peludo sus soun esquino. Coumpara emé la co-de-reinard-à-uno-glumo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Vulpia
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 8 cm
Flourido : Printèms - Estiéu

Sòu : Si
Autour basso e auto : 0 à 400 m
Aparado : Noun
Mai à jun

Liò : Sablo - Terraire safrous - Pelouso sablouso - Mar
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Vulpia membranacea (L.) Dumort., 1824

Vesso(-de-Bitinìo)

Vicia bithynica

Fabaceae Leguminosae

Nom en français : Vesce de Bithynie.

Descripcioun :
Aquelo vesso, pulèu grando, porto de flour groupado de uno à tres, di dos coulour (blanco e vióuleto), emé un pecou mai o mens long (1 à 6 cm). Vèn bèn dins li relarg séusous. Li fueio d'en bas an un parèu de fueioun, e mai pèr li fueio d'en aut (2 à 3 parèu emé uno vediho). Li dóusso soun pelouso (de 2,5 à 5 cm). Poudès peréu aluca lis estipulo que dounon d'èr à d'alabardo.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).